अपराध
प्रहरी ड्रेसमै मृत भेटिए हवल्दार
संखुवासभामा एक प्रहरी हवल्दार मृत फेला परेका छन् । जिल्ला कारागारमा कार्यरत प्रहरी हवल्दार डिकबहादुर तामाङ मृत फेला परेका हुन् । उनी गएराति १० बजेदेखि बिहान २ बजेसम्म ड्यूटीमा थिए । ड्युटीपछि सुत्न निवास गएका ४१ वर्षीय तामाङ आज बिहान प्रहरी ड्रेसमै बेहोश अवस्थामा फेला परेको बताइएको छ । इलामका तामाङको उपचारको क्रममा मृत्यु भएको प्रहरीले जनाएको छ । घटनाबारे थप अनुसन्धान भइरहेको जानकारी दिइएको छ ।
Page 109 of 262
