आधा वर्षमा मोबाइल सेटमा मात्रै साढे २८ अर्ब खर्च
चालु आर्थिक वर्षको पहिलो सात महिनामा विदेशबाट ४० लाखभन्दा बढी मोबाइल सेट भित्रिएको छ ।
भन्सार विभागले आज सार्वजनिक गरेको विवरणअनुसार २०७८ साउनदेखि माघ मसान्तसम्म नेपालमा ४० लाख ५ हजार ८ सय ४ थान मोबाइल सेट भित्रिएको हो । ती मोबाइल सेट खरिद गर्न नेपालबाट २८ अर्ब ३८ करोड ५६ लाख २७ हजार रुपैयाँ बराबरको विदेशी मुद्रा बाहिरिएको छ ।
यस्तै मोबाइल सेटको आयातबाट नेपाल सरकारले ४ अर्ब ४९ करोड ११ लाख ९४ हजार रुपैयाँ राजश्व उठाएको छ । अघिल्लो आर्थिक वर्षको सोही अवधिमा नेपालले विभिन्न देशबाट २४ अर्ब ६ करोड ८१ लाख ७० हजार रुपैयाँको ४३ लाख ६८ हजार ८ सय ७२ थान मोबाइल सेट खरिद गरेको थियो ।
अघिल्लो वर्षको तुलनामा चालु आर्थिक वर्षको पहिलो सात महिनामा नेपालले मोबाइल सेट आयातमा ४ अर्ब ३१ करोड ७४ लाख ५७ हजार रुपैयाँ बढी खर्च गरेको छ ।
अघिल्लो आर्थिक वर्षमा नेपालले ३६ अर्ब ९० करोड ४५ लाख ८४ हजार रुपैयाँको मोबाइल सेट खरिद गरेको थियो । त्यो वर्ष नेपालमा ७० लाख ३० हजार ३ सय ६६ थान मोबाइल सेट भित्रिएको भन्सार विभागले जनाएको छ ।
टिप्पणीहरू