सबै प्रदेशमा एमालेको विचार गोष्ठी, च्यासलको कार्यक्रममा झलनाथलगायत नेताहरु आमन्त्रित
नेकपा एमालेले आज दिवंगत संविधान सभा अध्यक्ष सुवास नेम्वाङको स्मृतिमा सातवटै प्रदेशमा विचार गोष्ठीको आयोजना गर्न लागेको छ । भोलि संविधान दिवस भएकाले आज ‘नेपालको संविधान निर्माणमा सुवासचन्द्र नेम्वाङ’ शीर्षकमा विचार गोष्ठीको आयोजना गर्न लागिएको जानकारी दिइएको छ ।
एमाले मुख्यालय, च्यासलमा आयोजना गर्न लागिएको गोष्ठीलाई पार्टी अध्यक्ष केपी शर्मा ओलीले सम्बोधन गर्ने बताइएको छ । उक्त गोष्ठीमा नेपाली काँग्रेसका नेता कृष्णप्रसाद सिटौला, नेकपा एकीकृत समाजवादीका सम्मानित नेता तथा पूर्वप्रधानमन्त्री झलनाथ खनाल, पूर्वसभामुख ओनसरी घर्ती, राप्रपा अध्यक्ष राजेन्द्र लिङ्देनलाई आमन्त्रण गरिएको छ ।
पार्टीले दिएको जानकारी अनुसार जनता समाजवादी पार्टीका अध्यक्ष अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर, नेमकिपाका अध्यक्ष नारायणमान विजुक्छे, संविधानविद् नीलाम्वर आचार्यले पनि सम्बोधन गर्नेछन् ।
नेम्वाङको गृह जिल्ला इलाममा राखिएको कार्यक्रममा रामबहादुर थापा ‘बादल’ प्रमुख वक्ता छन् । अन्यत्र पनि उपाध्यक्षहरुलाई नै खटाइएको छ ।
ट्रेन्डिङ पोस्ट
टिप्पणीहरू