श्रीलंकाका थप न्यायाधीशको काठमाडौं आगमन, माल्दिभ्सका पनि तीन जना

भोलिदेखि हुने तीन दिने क्षेत्रीय सम्मेलनमा भाग लिन विभिन्न मुलुकका न्यायाधीशहरु काठमाडौं आइपुग्ने क्रम जारी छ । आज दिउँसो श्रीलंकाको राजधानी कोलम्बो हुँदै श्रीलंका र माल्दिभ्सका चार जना न्यायाधीशहरु काठमाडौं आएको बताइएको छ ।

श्रीलंकाको उच्च अदालतका न्यायाधीश श्रीमती सी मिगोदा श्रीलंका एअरलाइन्सको उडानमा दिउँसो पौने २ बजे काठमाडौं आइपुगेकी हुन् ।

सोही उडानमा माल्दिभ्सको सर्वोच्च अदालतका न्यायाधीश उज अलि रसिद हुसेन, उच्च अदालतका उजा धिवानाज फामी र नागरिक अदालतका उजा मारियम वाहिद पनि काठमाडौं आएको बताइएको छ ।

यसअघि पाकिस्तानको सर्वोच्च अदालतका न्यायाधीश याह्या अफ्रिदी हिजो राति १० बजे पाकिस्तानबाट युएईको सारजाँह हुँदै काठमाडौं आएका हुन् । 

हिजो बिहान भारतका, मध्यान्ह श्रीलंकाको सर्वोच्च अदालतका एक जना र बंगलादेशको सर्वोच्च अदालतका न्यायाधीशहरु पनि काठमाडौं आएका थिए । राजधानीमा भोलिदेखि शुरु हुने तीन दिवसीय जंगल, संरक्षित क्षेत्र र न्यायालय सम्बन्धी क्षेत्रीय सम्मेलनमा भाग लिन छिमेकी मुलुकका न्यायाधीशहरु आइपुगेका हुन् ।

हिजो बिहान काठमाडौं आइपुगेपछि पोखरा गएका भारतीय न्यायाधीश मुथुसामी मीनाक्षी सुन्दरेश श्रीमती र एक जना रष्ट्रिारसँगै आज बिहान राजधानी फर्किसकेका छन् । कार्यक्रम काठमाडौं, बौद्धस्थित हायात होटलमा हुँदैछ ।