सुपर ओभरमा नेपाललाई हराउँदै ओमानद्वारा उपाधि रक्षा

टी-२० विश्वकप छनोटको फाइनलमा नेपाल ओमानसँग पराजित भएको छ । 

निर्धारित २० ओभरमा स्कोर बराबरीमा पुगेपछि भएको सुपरओभरमा ओमानले नेपाललाई हराएको हो । सुपर ओभरमा पहिले ब्याटिङ गरेको ओमानले २१ रन बनायो । २२ रनको लक्ष्य पाएको नेपाल मात्र १० रनमा समेटियो । 

यसअघि कीर्तिपुरस्थित टियु अन्तराष्ट्रिय क्रिकेट मैदानमा टस जितेर पहिले ब्याटिङ गरेको नेपालले १८४ रन बनाएको थियो । लक्ष्य पछ्याउने क्रममा ओमान पनि १८४ मा रोकिएपछि सुपर ओभरबाट निर्णय लिइएको हो । 

जितसँगै ओमानले उपाधि हात पारेको छ ।