किड्नीका बिरामीको मृत्यु भएपछि वीरका डाक्टर कारबाहीमा

चिकित्सकको लापरवाहीले बिरामीको मृत्यु भएको भन्दै आफन्तले आन्दोलन गरेपछि उपचारमा संलग्न वीर अस्पतालका एक डाक्टर विभागीय कारवाहीमा परेका छन् । 

बिरामीको मृत्युपछि आन्दोलनमा उत्रिएको पीडित पक्षको माग बमोजिम उपचारमा संलग्न चिकित्सकलाई आन्तरिक रुपमा विभागीय कारवाही गर्न अस्पताल प्रशासन सहमत भएको हो । सहमतिसँगै पीडितहारको आन्दोलन स्थगित भएको छ । सहमतिअनुसार अस्पतालले मृतकको शव घरसम्म पुर्याउनु पर्नेछ भने मृतकका आफन्तले चाहेमा कोमा गरिने छ । 

आज अपराह्न साढे चार बजे बाराको कोल्हबी नगरपालिका-४ का ५४ वर्षीय बिष्णु कुँवरको मृगौलाको शल्यक्रिया गर्ने क्रममा मृत्यु भएकाे थियो । बिरामीको मृत्यु भएपछि मृतकका आफन्तले अस्पताल हाताभित्र आन्दोलन गरेका थिए । त्यसपछि दुई पक्षबीच भएको वार्तामा तीन बुँदे सहमति भएको हो ।