एनसेलको विश्वकप लाइभ स्क्रिनिङमा उल्लासमय सहभागिता

एनसेल आजियाटा लिमिटेडले आयोजना गरेको ‘२२ औं फिफा विश्वकप फुटबल २०२२’ को फाइनल खेलको विशेष लाइभ स्क्रिनिङ कार्यक्रममा दर्शकको उत्साहजनक सहभागिता देखिएको छ ।नेपालको अहिलेसम्मकै ठूलो स्क्रिनमा अन्नपूर्ण होटलको पुलसाइडमा देखाइएको फाइनलमा झण्डै दुई हजारको उपस्थिति रहेको बताइन्छ । एनसेलले आइतबार लाइभ स्क्रिनिङमा खेला देखाएको थियो । 

कार्यक्रम स्थलमा दुई ठूला डिजिटल स्क्रिनबाहेक दर्शकको सुविधाका लागि अन्य स्क्रिनको व्यवस्थासमेत गरिएको थियो । अर्जेन्टिना र फ्रान्सबीचको फाइनल खेलको प्रत्यक्ष प्रशारण निकै उल्लासमय बनेको कम्पनीको दाबी छ । आमन्त्रित निजी संघ संस्थाका प्रतिनिधि, वित्तीय संस्थाका प्रतिनिधि, व्यावसायिक क्षेत्रका पाहुना, सञ्चारकर्मी, एनसेलका ग्राहक, कर्मचारी र तिनका परिवारले आनन्द लिएको एनसेलले जनाएको छ । 

५९९ रुपैयाँमा पाइने ६० जीबीको ‘होम एण्ड अवे डेटा प्याक’ को खरिद गरेका ग्राहकलाई निःशुल्क पासको प्रबन्ध मिलाइएको थियो । मिडिया हबको मुख्य सहयोगमा एनसेलले कार्यक्रमको आयोजना गरेको जानकारी दिइएको छ ।

कार्यक्रममा गीतसंगीतसँगै खानाका विभिन्न परिकार राखिएको थियो । दर्शकहरुले ऐतिहासिक तथा रोमाञ्चक फाइनल खेलको आनन्द लिएको एनसेलको दाबी छ ।