सुख्खा पहिरो पन्छाउन कम्तिमा दुई दिन (फोटोफिचर)

चितवनको नारायणगढ–मुग्लिङ सडकखण्डमा पहिरो खस्दा करिब ३५ सय सवारी साधन सडकमा रोकिएको छ । इच्छाकामना गाउँपालिका–५ स्थित तुइनखोलामा गएको  भीषण पहिरोका कारण सडक अवरुद्ध छ ।

पहिरोले सडकको करिब १६० मीटर लम्बाइ ढाकेको छ भने १८ मीटर अग्लो ढुंगामाटो थुप्रिएको छ । पहिरो हटाउन कम्तीमा दुई दिन लाग्ने देखिन्छ । सडक बन्द भएपछि दशैंको समयमा मालवाहक र यात्रुवाहक सवारीका चालक र यात्रुहरुको बिजोग भएको छ । 

सो सडकखण्डमा केही दिनयता निरन्तर पहिरो खसिरहेको छ । शुक्रबार साँझ पहिरो खसेकोमा ४६ घण्टापछि हटाइएको थियो । सडक सुचारु भएको केही समयमै ठूलो पहिरो खस्दा यतिबेला पूर्ण रुपमा सवारी आवागमन बन्द भएको हो ।

फोटो, भिडियो स्रोत : माधव पौडेल ।