राष्ट्रिय सभाका उम्मेदवारले खर्च गर्न पाउने सीमा तोकियो

निर्वाचन आयोगले आगामी माघ ११ गते हुन लागेको राष्ट्रिय सभा सदस्य निर्वाचनका लागि उम्मेदवारले खर्च गर्न पाउने सीमा निर्धारण गरेको छ । 

आयोगले राष्ट्रिय सभा सदस्य निर्वाचन ऐन, २०७५ तथा राष्ट्रिय सभा सदस्य निर्वाचन नियमावली, २०७६ बमोजिम तीन लाख ५० हजार रुपैयाँसम्म खर्च गर्न पाउने जनाएको छ । 

मतदाता नामावली खरिद, सवारीसाधनको इन्धन, प्रचारप्रसार सामग्री, ढुवानी, गोष्ठी, अन्तरक्रिया, प्रचारप्रसार, कार्यालय सञ्चालन, प्रतिनिधि परिचालन र विविध शीर्षकमा खर्च गर्न सकिने आयोगको भनाई छ । 

उम्मेदवारले बैंक वा वित्तिय संस्थामा छुट्टै खाता खोलेर खर्च गर्नुपर्ने आयोगले स्पष्ट पारेको छ । त्यस्तै, निर्वाचन सकिएको ३० दिनभित्र आयोगमा विवरण बुझाइसक्नुपर्ने छ ।