सरकारको समर्थनमा, वाइसिएल आयो सडकमा
नक्कली शरणार्थी प्रकरणमा संलग्नहरुलाई छानविनको दायरामा ल्याउने सरकारी कदमको समर्थन गर्दै नेकपा माओवादी केन्द्रको युवा संगठन वाइसिएलले सडक प्रदर्शन गर्ने भएको छ ।
"भ्रष्टाचारविरुद्धकाे अभियानमा ऐक्यवद्धता र खबरदारी कार्यक्रम' भनिएको उक्त प्रदर्शन भोलि बेलुका ५ बजे माईतीघर मण्डलामा हुने बताइएको छ । वाइसिएलले प्रदर्शनमा सहभागिता जनाउन सूचना गरेको छ ।
त्यसक्रममा 'सम्माननीय प्रधानमन्त्री पुष्पकमल दाहाल प्रचण्ड नेतृत्वको सरकारलाई काम गर्न देऊ', 'शक्ति केन्द्रहरूको आडमा सरकारले चालेका महत्त्वपूर्ण कदममा अवरोध नपुर्याऊ', 'दोषी नछुटाेस्, निर्दाेष नफसाेस्', 'भ्रष्टाचारविरुद्धकाे अभियान नराेकियाेस्', 'ऐक्यबद्धता र खबरदारी, आम नागरिकको जिम्मेवारी', जस्ता नारा लगाउने वाइसिएलको तयारी छ ।
टिप्पणीहरू