कर्साबको ज्यान, तालिम हैन क्याबिनतिर ध्यान

नं. २ सैन्य तालिम केन्द्र रुपन्देहीमा १२५० को नफ्री रहेको छ, जसमध्ये ८७५ जना यहाँ छन् । यहाँका प्रमुख सेनानी विकास अधिकारीको ध्यान तालिमभन्दा बढी क्यान्टिनमा छ । फकएने दिन रानीबगीया बजारको मुख्य–मुख्य चोकमा बिहान ६ बजेदेखि अपराह्न ४ बजेसम्म २५ देखि ३० जना सिभिल पोशाकमा ड्युटी खटाई दायाँ बायाँ हर्कत गर्न नदिई ठूला ट्रक र प्रमुख सेनानी विकास अधिकारी चढ्ने सरकारी स्कोरपियो गाडीले ओसार्ने गरिन्छ । कर्साप आफैँ ड्राइभ गर्छन् । आफ्नो गाडीमा महिला सैन्यहरूलाई मात्र चढाउने गर्छन् । यो गर्नुको मुख्य कारण यो छ कि सैन्यहरूलाई कुनै पनि सरसामान खरिद गर्न नदिनु हो । ल्याएको सामान प्रयोग गर्न नदिई स्टोरमा राखिन्छ । केन्द्रपतिले बिदा जाने बेला भनेका हुन्छन्– बाठो भइस्, सामान ल्याइस्, तेरो दशा शुरु भयो । तँलाई सेकेण्डरी ब्याचमा झारिदिन्छु । 

नयाँ सैन्यको तालिम शुरु भएको ३ महिना नहुँदासम्म व्यक्तिगत रूपमा पैसा तिरेर क्यान्टिनमा खान नपाउने नीति छ तर तालिम शुरु भएको भोलिपल्टदेखि एक दिन पछिबाट त्यो सुविधा दिलाएका छन् ।
विभिन्न कम्पनी र डिलरसँग डिल गर्छन् र क्यान्टिन सञ्चालकलाई बिल कसैलाई पनि देखाउने हैन भन्छन् । ११ सयको जुत्तालाई १४ सयमा बिक्री गर्छन् । तालिम सकेर जाने बेलासम्म एउटा सैन्यलाई ४० हजारदेखि ५५ हजारसम्मको सामान खरिद गर्नुपर्ने बाध्यता छ । धेरैजसो सामान गाडीले ल्याउँछ, बिल आउँदैन । सामान कतिमा बिक्री गर्ने भन्ने विषयमा क्यान्टिन सञ्चालकले ‘सर, रेट कतिमा बिकी गर्ने हो भनी सोध्नुपर्छ ।’

पल्टनभित्र विभिन्न कार्यक्रम राख्ने, युभिडे भनेर फिल्म देखाउने, प्रतिव्यक्ति रु ५० देखि ३०० रूपैयाँसम्मको खानेकुरा क्यान्टिनबाट अनिवार्य रूपमा खुवाउने गरिन्छ । केन्द्रपति अफिसको कुर्सीमा दिनमा २÷३ घण्टाजति मात्र रहन्छन् । अरु सबै टाइम सिभिल पोशाकमा बजारभरि व्यवसायसम्बन्धी चक्करमै हुन्छन् । उनी आउनुभन्दा अगाडि रु. ९८ मा बिक्री गरिएको सामानको भाउ अहिले ११० पु¥याएका छन् । एक दिनमा ३/४ पटक क्यान्टिन पुगेर सामान के–कति बिक्री भयो, हेरफेर गर्छन्, दिनभरिको फाइदा बेलुका उनीलाई बुझाउनुपर्छ । एक दिनको फाइदा १० हजारदेखि १४ सम्म र शनिवार २२ हजारदेखि २५ हजारसम्म हुन्छ । 

प्रत्येक दिन ब्यारेकको राम्रो–राम्रो मोटरसाइकल बदली बदली व्यापारीकोमा एक्लै जान्छन् कतिखेर जान्छन् । बसाई ८ घण्टा ब्यारेकमा, १६ घण्टा बाहिर हुन्छ ।