भृकुटीमण्डपमा नाम दर्ता, अन्यत्र जुलुस

नेपाली कांग्रेसको दोस्रो विशेष महाधिवेशन काठमाडौँको भृकुटीमण्डपमा शुरू भएको छ। महाधिवेशनमा सहभागी हुन आएका प्रतिनिधिहरूले भृकुटीमण्डपमा नाम दर्ता गराउन थालेका छन् । नाम दर्ताका लागि महाधिवेशन प्रतिनिधिहरुलाई एक हजार शुल्क तोकिएको छ ।

महाधिवेशनको उद्घाटनअघि शक्ति प्रदर्शनको रूपमा काठमाडौँ र ललितपुरका छ स्थानबाट जुलुस निकालिँदै छ । महाधिवेशन आयोजक समितिका अनुसार बिहान ११ बजे सुन्धारा, रत्नपार्क, पद्मकन्या क्याम्पस, शंकरदेव क्याम्पस, कमलपोखरी र ललितपुरको कुपण्डोलबाट निकालिने जुलुस भृकुटीमण्डपमा पुगेर एकीकृत हुने कार्यक्रम छ।

विशेष महाधिवेशन उद्घाटन दिउँसो १ बजे गरिँदै छ । उद्घाटन समारोहपछि आजै बेलुकी शुरु हुने बन्दसत्र भोलि सकिने छ ।