सैन्य परेडको भव्य तयारी, थिआनमेन वरपर मनमोहक फूलबारी (फोटो फिचर)

चीनले राजधानी बेइजिङको थियानआनमेन स्क्वायरमा आयोजना गर्ने भव्य सैन्य परेडको तयारी पूरा भएको जनाएको छ । आगामी बुधबार बिहान हुन लागेको जापानी अतिक्रमणविरुद्धको युद्ध र विश्व फासिवादविरुद्धको युद्ध विजयका अवसरमा ८०औँ वार्षिकोत्सव धुमधामका साथ मनाउन लागिएको हो ।

त्यसका लागि थिआनमेन वरपर एक सयभन्दा बढी किसिमका बोटबिरुवा र फूलको प्रयोग गरेर १० किसिमका आकर्षक फूलबारी बनाइएको छ । ‘इतिहास सम्झने, सहिदको सम्मान गर्ने, शान्ति चाहने र उज्जवल भविष्य सिर्जना गर्ने’ मूल नाराका साथ ती अस्थायी उद्यान बनाइएका हुन् ।

परेडपछि पनि यी फूलबारी झण्डै दुई महिना यथावत राखिने जनाइएको छ । आगामी अक्टोबर १ तारिखका दिन मनाइने चीनको राष्ट्रिय दिवससम्म जतनसाथ राखिने छ ।

स्रोत : सिन्ह्वा ।