भानुजयन्तीमा बिहानै शोभायात्रा

वि.सं. १८७१ असार २९ गते तनहुँको चुँदी, रम्घामा जन्मिएका आदीकवि भानुभक्त आचार्यको आज २१२ औँ जन्मजयन्ती मनाइँदैछ ।

आचार्यको सम्झनामा देश विदेशमा विभिन्न कार्यक्रमको आयोजना गरिएको छ ।

सोही अवसरमा भानु प्रतिष्ठान र नेपाल प्रज्ञा प्रतिष्ठानको संयुक्त आयोजनामा प्रज्ञा प्रतिष्ठानमा गोष्ठी तथा शोभायात्रा गरिएको छ । शोभायात्रामा साहित्य सर्जकसँगै विद्यार्थीहरुको उपस्थिति थियो । 

नेपाली साहित्यको धरोहर आचार्यले सरल, शिष्ट र रोचक ढङ्गले नेपाली भाषामा अनुवाद गरेको संस्कृत भाषाको वाल्मीकि ‘रामायण’ सबैको जनजिब्रोमा बसेको छ ।

उनका ‘रामायण’ बाहेक ‘वधुशिक्षा’, ‘प्रश्नोत्तर’, ‘भक्तमाला’, ‘रामगीता’ जस्ता काव्यकृतिहरू नेपाली साहित्यका प्रख्यात कृति हुन् ।