नयाँ संविधान माग्दै ७७ वर्षे वृद्ध एक वर्षदेखि सडकमा

२०७२ सालको संविधान खारेज गरी नयाँ संविधान जारी गर्न माग गर्दै सडकमा ओर्लिएका एक वृद्धले आज ३३३ दिनको धर्नालाई निरन्तरता दिएका छन् ।

धादिङको गजुरी गाउँपालिका किरान चोक -८ स्थाई ठेगाना भई हाल कलंकी घर बताउने ७७ वर्षीय चेतनाथ ढुंगानाले नयाँ संविधान माग्दै थालेको एकल धर्ना आज पनि जारी राखेका हुन् । सत्तासीन नेताहरुले कानुनलाई मनोमानी रुपमा प्रयोग गरेर बिभिन्न घटनाका दोषीलाई छुट दिएको, राष्ट्रघाती सम्झौता गरेको भन्दै उनले संविधान काम नलाग्ने अवस्थमा पुगेको बताए ।

'२०७२ साल असोज ३ गते जारी भएको संविधान गणतन्त्र हैन नेतातन्त्र हो' लेखिएको ब्यानरसहित प्रदर्शनमा बसेका उनले अहिलेको संविधान जलाई नयाँ जारी गर्नुपर्ने माग राखेका छन् ।