विदेश गएका नेपालीलाई एकताबद्ध गराउने जिम्मा महेशलाई

गैरआवासीय नेपाली संघको उच्चस्तरीय समितिद्वारा आयोजित एकता महाधिवेशनले महेश श्रेष्ठको नेतृत्वमा नयाँ कार्यसमितिलाई सर्वसम्मत रूपमा चयन गरेको छ । महाधिवेशनको दोस्रो दिन निर्वाचन समितिले श्रेष्ठको नेतृत्वमा नयाँ कार्यसमिति निर्विरोध चयन भएको घोषणा गरेको छ । 

श्रेष्ठ जापानमा व्यवसाय गर्दै आएका गैरआवासीय नेपाली हुन् । प्रमुख निर्वाचन आयुक्त गोपालकृष्ण घिमिरेका अनुसार उपाध्यक्षमा क्रमशः खगेन्द्र न्यौपाने, लोकप्रसाद दाहाल, सुनिलकुमार शाह, मनोजकुमार श्रेष्ठ, विश्वासदीप लिम्बू, बुद्धिसागर सुवेदी, जानकी गुरुङ चयन भएका छन् ।

महासचिवमा बाबुराम लामा, सचिवमा क्रमशः टंकप्रसाद गैरे, चिन्तामणि सापकोटा, तिलकप्रसाद गैरे देवकी खत्री गुरुङ निर्वाचित भएका छन् । महाधिवेशनले कोषाध्यक्षमा ठाकुरप्रसाद ढुङ्गाना, सहकोषाध्यक्ष कृष्णप्रसाद पोखरेल, महिला संयोजकमा रश्मी थापा, युवा संयोजकमा भीमसेन थापालाई चयन गरेको छ । 

त्यस्तै क्षेत्रीय संयोजक र उपसंयोजकहरु पनि चयन गरेको छ । जसमा एसिया प्रशान्तको संयोजक डा. बलराम श्रेष्ठ, युरोपमा प्रेमबहादुर गुरुङ, मध्यपूर्वमा रमेश श्रेष्ठ, उत्तरदक्षिण अमेरिकामा ढिलुराम पराजुली, ओसियानामा इर्सद अहमद छन् ।