आयो अख्तियारको पुर्जी,पूर्वअध्यक्षको मोबाइल बन्द

अख्तियार दुरुपयोग अनुसन्धान आयोगले नेपाल बैंक सञ्चालक समितिका पूर्वअध्यक्ष तथा हालका सञ्चालक डा. चन्द्रबहादुर अधिकारीको नाममा सात दिने सूचना जारी गरेको छ । गत माघ २१ गते परेको उजुरीमाथि आवश्यक अनुसन्धानका लागि अधिकारीलाई आजको मितिबाट सात दिनभित्र उपस्थित हुन भनिएको छ ।

दुई जना भारतीयलाई आयोगमा उपस्थित गराउनुपर्ने दायित्व पनि उनैको रहेको सूचनामा उल्लेख छ । सूचनामा भारत उत्तर प्रदेशका खुशनसिब अन्सारी र वज्जाद अन्सारीलाई उपस्थित गराउन भनिएको छ । ती दुबै अन्सारीको आधार कार्ड नम्बर र भारतको पूर्ण ठेगाना पनि सूचनामा खुलाइएको छ ।

दुई जना भारतीयलाई आयोगमा उपस्थित गराउनुपर्ने दायित्व पनि उनैको रहेको सूचनामा उल्लेख छ । सूचनामा भारत उत्तर प्रदेशका खुशनसिब अन्सारी र वज्जाद अन्सारीलाई उपस्थित गराउन भनिएको छ । ती दुबै अन्सारीको आधार कार्ड नम्बर र भारतको पूर्ण ठेगाना पनि सूचनामा खुलाइएको छ ।

अधिकारी यसअघि काँग्रेस अर्थमन्त्री डा.प्रकाशशरण महतको पालामा बैंक अध्यक्षमा नियुक्त भएका थिए । अहिले भने स्वतन्त्र सञ्चालकको हैसियतमा छन् । अख्तियारद्वारा अनुसन्धान थालिएका उनलाई केही दिनअघि राष्ट्र बैंकले पनि कारबाही गरेको बुझिएको छ । यसबारे केन्द्रीय बैंक र नेपाल बैंकका अधिकारीहरुले केही बताउन चाहेनन् । अधिकारीको टेलिफोन नम्बर ९८४१####४७ अफ छ ।