आगो बाल्दै पूर्व राजाविरुध्द भर्खरै नाराबाजी

केही समययता 'राजा आऊ,देश बचाऊ' को नारा घन्किने गरेको काठमाडौँमा आज भने 'ज्ञानेन्द्र चोर देश छोड' को नारा लागेको छ । 

विप्लव सि नेतृत्वको पार्टी नेकपाका कार्यकर्ताले साँझ कामनपा-१७ स्थित ठँहिटीमा मसाल जुलुस निकाल्दै त्यस्तो नारा लगाएका हुन् । नेकपा काठमाडौँ महानगर समितिको आयोजनामा भएको कार्यक्रममा केन्द्रीय प्रतिनिधि दीपक मानन्धर,केन्द्रीय सदस्य तथा महानगर इञ्चार्ज प्रताप सिलगायत डेढ दर्जनको सहभागिता रहेको छ । 

प्रतिगामी षड्यन्त्रविरुध्द मसाल लिएर सडकमा उत्रिएका विप्लवका कार्यकर्ताले 'गणतन्त्र जिन्दावाद', 'नेपाली विशेषताको समाजवाद जिन्दावाद !', 'दलाल पुँजीवाद- मूर्दावाद !' जस्ता नारा पनि लगाएका छन् । 

मसाल जुलुस अहिले ललितपुरको लगनखेलतिर पनि निस्कन लागेको बुझिएको छ ।