रिंकु सदाको परिवारलाई प्रचण्डको आश्वासन
नेकपा माओवादी केन्द्रका अध्यक्ष पुष्पकमल दाहाल प्रचण्डले रिंकु सदाको परिवारलाई भेटेर न्याय दिलाउने आश्वासन दिनुभएको छ ।
माओवादीको पूर्व–पश्चिम जनजागरण अभियानको क्रममा दाहालले सामूहिक जबरजस्ती करणीपछि मृत भेटिएकी रिंकु सदाको सिरहास्थित नवराजपुर गाउँपालिका–१ भगवतीपुर मुसहर बस्तीमा रहेको रिंकुको घर पुगेर परिवारलाई भेट्नुभएको छ ।
माओवादी नेताहरुसँगै त्यहाँ पुग्नुभएका अध्यक्ष दाहालले पीडित परिवारको न्यायका लागि आवाज उठाउने प्रतिबद्धता जनाउनुभएको छ ।
रिंकुमाथि गत माघ २७ गते राति शौच गर्न बाहिर निस्केको बेलामा तीन जना युवकले सामूहिक करणी गरेका थिए । लेनदेनमा घटना सामसुम पार्ने प्रयास र पीडक पक्षको धम्कीबीच उनी तीन दिनपछि झुण्डिएको अवस्थामा फेला परेकी थिइन् ।
टिप्पणीहरू