कोलम्बोबाट आइपुगे अर्का ठूला चिनियाँ पाहुना

प्रधानमन्त्री केपी शर्मा ओलीले ७४ औं जन्मदिन मनाइरहँदा एकछिनअगाडि उत्तरी छिमेकी चीनका एक मन्त्री श्रीलँकाको राजधानी कोलम्बोमा केही महत्त्वपूर्ण बैठक सकाएर नेपाल आइपुगेका छन् ।

श्रीलंकन एयरलाइन्स UL181 को उडानबाट भर्खरै छ सदस्यीय टोलीको नेतृत्व गर्दै काठमाण्डौमा ओर्लिएका जनजाति मामिला हेर्ने मन्त्री पान युए हुन् । टोलीमा वेइ गुओसिओङ्ग WEI,सु फुपाङ्ग,छिउ फङ्ग,छन सिचोङ्ग र छु छियाङ्ग पनि सामेल छन् ।

चिनियाँ राजदूत छन सोङ्गद्वारा त्रिभुवन अन्तर्राष्ट्रिय विमानस्थलको बिशिस्ट कक्षमा स्वागत गरिएको यो टोली याक एण्ड होटेलमा बस्ने कार्यक्रम छ ।

पाहुनाहरुलाई नेपालका विभिन्न समुदायले बजाउने बाजागाजासहित करिव ५५ जनाले विमानस्थलमा झाँकी देखाएका थिए।