नख्खु खोलामा पुल बनाउने ठेकेदारलाई सम्मान
ललितपुरको नख्खु खोलामा नवनिर्मित पुल उद्घाटन गरिएको छ ।
ललितपुर महानगरका मेयर चिरिबाबु महर्जनले आज बिहान वडा नम्बर १४ स्थित उक्त पुलको एक कार्यक्रमबीच उद्घाटन गरेका हुन् । झण्डै चार करोड रुपैयाँ लागतमा निर्माण भएको पुल सञ्चालनमा आएसँगै वडा नम्बर १४ र २५ लाई जोड्ने महानगरले जनाएको छ ।
गत वर्ष असोजबाट शुरु भएको पुल निर्माण डेढ वर्षमा सम्पन्न हुने अनुमान गरिएकोमा निर्माण कम्पनीले त्यसअगावै काम सम्पन्न गरेको महानगरको भनाइ छ । तोकिएकोभन्दा चाँडै पुल निर्माण गरेको भन्दै महानगरले ठेकेदारलाई सम्मानसमेत गरेको छ ।
नख्खु खोला पुल सञ्चालनमा आएसँगै वडा नम्बर १३, १४, १८, २५, २६ र २७ का बासिन्दालाई आवतजावतमा सहज हुनुका साथै साविकका गाविसहरुलाई चक्रपथभित्रका वडासँग जोड्ने महानगरको विश्वास छ ।
तस्बिरहरु
ट्रेन्डिङ पोस्ट
टिप्पणीहरू