कोकिन भित्र्याउने नयाँ काइदा : बाहिर चक्लेटको आवरण, भित्र सेतो धुलो

गएराति काठमाडौं आइपुगेका लात्भियन नागरिक कोकिनसहित पक्राउ परेका छन् । दोहाबाट कतार एअरवेजको उडान नम्बर क्युआर ६४४ मा राति सवा १ बजे त्रिभुवन अन्तर्राष्ट्रिय विमानस्थल आइपुगेका ५१ वर्षे इभार्स भाल्टर्सले लुकाएर ल्याएको साढे ७ केजी कोकिन सशस्त्र प्रहरी र भन्सारका कर्मचारीले फेला पारेका हुन् । 

उनको साथमा रहेको ह्याण्डब्यागभित्र राखिएको पिल्लोमा शंका लागेपछि चेकजाँच गरिएको बताइएको छ । उक्त पिल्लोभित्र पहेँलो रंगको चकलेट आकारभित्र ७ केजी ६६५ ग्राम कोकिन पाउडर फेला परेको हो ।

उनलाई थप अनुसन्धानको निम्ति भञ्सारका कर्मचारीले खानतलासी र बरामद मुचुल्कासहित प्रहरीको लागुऔषध नियन्त्रण ब्युरो कोटेश्वरमा बिहान साढे ४ बजे बुझाइएको छ ।