मिनीट्रक दुर्घटनामा थप एक जनाको निधन, घाइते सबैको ट्रमा सेन्टरमा उपचार

धादिङमा भएको मिनीट्रक दुर्घटनमा मृत्यु हुनेको संख्या दुई पुगेको छ । खाल्टेमा आज बिहान भएको उक्त दुर्घनामा घाइते एक जनाको उपचारको क्रममा जिल्ला अस्पताल धादिङबेसीमा निधन भएको बताइएको छ ।

निलकण्ठ नगपालिका ५ खाल्टेमा बा.२ ख ८९४७ नम्बरको मिनिट्रक दुर्घटनामा छ जना घाइते भएका छन् । ती सबैलाई थप उपचारको निम्ति वीर अस्पतालको राष्ट्रिय ट्रमा सेन्टरमा ल्याइएको छ 

बिहान घटनास्थलमै एक जनको ज्यान गएको र घाइते सात जनालाई स्थानीयले जिल्ला अस्पतालमा पुर्याएका थिए । तीमध्ये एक जनाको उपचारको क्रममा निधन भएको हो । 

जिल्ला प्रहरी कार्यालय धादिङका अनुसार घाइते छ जनालाई नेपाली सेनाको हेलिकप्टरमा काठमाडौंँ पठाएर ट्रमा सेन्टरमा उपचार थालिएको हो ।