अफ्रिकाबाट सैनिक फर्किए, यताका उता पुगे

संयुक्त राष्ट्रसंघीय मिसनअन्तर्गत सेन्ट्रल अफ्रिकन रिपब्लिकमा शान्ति स्थापनार्थ तैनाथ नेपाली सेनाको अदलीबदली भएको छ।

राष्ट्रसंघको आह्वानमा ‘युनाइटेड नेसन्स् मल्टीडाइमेसनल ईन्टिग्रेटेड स्ट्याबिलाइजेसन मिसन इन द सेन्ट्रल अफ्रिकन रिपब्लिक’ मा तैनाथ हुन नेपाली सेनाको गोरखनाथ गण चौथो डफ्फा त्यहाँ पुगेको हो । 

गएराति इलाकातर्फ प्रस्थान गरेको नेपाली शान्ति सैनिकको दुई सय २५ सदस्यीय टोली आज त्यहाँ पुगेको सैनिक जनसम्पर्क तथा सू्रचना निर्देशनालयले जनाएको छ । 

निर्देशनालयका अनुसार मिसनमा आफ्नो कार्यकाल सम्पन्न गरेका लाइट इन्फन्ट्री बटालियन (एलआईबी) अन्तर्गत युद्धभैरव गण तेस्रो डफ्फाका सैनिकहरु पनि स्वदेश फिर्ता भइसकेका छन् । 

हाल उक्त मिसनमा नेपाली सेनाका एक हजार एक सय ८८ जना सैनिक कार्यरत छन् ।