नेपाल–पाकिस्तान क्रिकेट प्रतियोगिताको उपाधि हिमालयन क्रिकेट एकेडेमीलाई
काठमाडौस्थित पाकिस्तानी राजदूतावासले आयोजना गरेको नेपाल–पाकिस्तान मैत्री टी २० क्रिकेट प्रतियोगिता २०२५ मा हिमालयन क्रिकेट एकेडेमी विजयी भएको छ । १० औं श्रृंखलाको प्रतियोगितामा एन्जल्स स्पोर्टस एकेडेमी उपविजेता भएको छ । विजेता र उपविजेता टिमलाई आज आयोजित विशेष समारोहमा ट्रफी र पुरस्कार प्रदान गरिएको छ ।
माघ २६ गतेदेखि सञ्चालित प्रतियोगितामा १२ टिम सहभागी थिए । राष्ट्रिय खेलकुद परिषदका उपाध्यक्षको प्रमुख आतिथ्यमा आयोजित कार्यक्रममा पुरस्कृत टोलीलाई ट्रफि र पुरस्कार प्रदान गरिएको पाकिस्तानी दूतावासले जनाएको छ । कार्यक्रममा सहभागी विशेष अतिथिहरुले उत्कृष्ट खेलाडी र अफिसियलहरुलाई पुरस्कार प्रदान गरेका थिए ।
विशेष अतिथिको रुपमा नेपालका लागि चीनका राजदूत छन सोङ, इजिप्टका राजदूत नोहा हाम्दी अहमद एलेग्बालीलगायत झण्डै एक दर्जन पाहुना समारोहमा उपस्थित रहेको बताइन्छ । पाकिस्तानी दूतावासका अधिकारी, उनीहरुका परिवार, काठमाडौंमा रहेको पाकिस्तानी समुदायको बाक्लो उपस्थिति थियो ।
कार्यक्रमलाई सम्बोधन गर्दै पाकिस्तानी राजदूत अब्रार एच हास्मिीले यस्ता प्रतियोगिताले दुई मुलुकका युवाहरुलाई एकताबद्ध र भाइचारा सम्बन्ध कायम राख्न सहयोग पुग्ने धारणा राख्नुभएको जारी विज्ञप्तिमा उल्लेख छ ।
प्रतियोगिता सञ्चालनमा हिमालयन बैंक र ग्लोबल आईएमई बैंकको सहयोग थियो ।
तस्बिरहर
टिप्पणीहरू