सभामुख भेट्न पुगे अख्तियार प्रमुख

सभामुख देवराज घिमिरेसँग भेटवार्ता गर्न अख्तियार दुरुपयोग अनुसन्धान आयोगका प्रमुख आयुक्त प्रेमकुमार राई सिंहदरबारस्थित संसद सचिवालय पुगेका छन् । सभामुख घिमिरे र प्रमुख आयुक्त राईबीच आज बिहान साढे ११ बजेदेखि करिब २० मीनेट कुराकानी भएको छ ।

घिमिरेको कार्यकक्षमा भएको भेटवार्ताबारे थप जानकारी दिइएको छैन ।

आजै नेपालका लागि इजरायली राजदूत स्मुलिक एरी बासले पनि सभामुखसँग भेट गरेका छन् । उनले दिउँसो १ बजेपछि सभामुखको कार्यकक्षमा भेटेका हुन्  ।

त्यस्तै  प्रधानन्यायाधीश प्रकाशमान सिंह राउतले  पनि सभामुख घिमिरेसँग  भेटवार्ता गरेको बताइएको छ ।

उक्त भेटघाट यही माघ २८ गते हुने अख्तियार दिवसको निम्तोका सिलसिलामा भएको बुझिएको छ । यसअघि आजै बिहान १०:३० बजे राई र प्रधानन्यायाधीश प्रकाशमान सिंह राउतवीच पनि भेट भएको थियोे ।