मलंगवामा लाखौं भेटियो, स्रोत भेटिएन
सर्लाहीमा स्रोत नखुलेको २७ लाख ७५ हजार रकमसहित दुई जना पक्राउ परेका छन् । मलंगवा नगरपालिका–३ का कमर राजा हुसेन र आरिफ अन्सारी उक्त रकमसहित पक्राउ परेका हुन् ।
उनीहरुलाई आज बिहान नगरपालिकाको ९ नम्बर वडाबाट पक्राउ गरिएको जिल्ला प्रहरी कार्यालय सर्लाहीका प्रहरी निरीक्षक सविनकुमार कार्कीले जानकारी दिए । उनका अनुसार दुवैजना हुण्डी कारोबारमा संग्लन रहेको अनुमान गरिएको छ ।
पक्राउ परेकामाथि थप अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू