क्रिकेटमा क्यानाडालाई हराएको नेपालले फुटबलमा चीनलाई पनि जित्यो

चिनियाँ परम्परागत नयाँ वर्ष तथा वसन्त चाडको उपलक्ष्यमा काठमाडौंमा आयोजित मैत्रीपूर्ण फुटबल प्रतिस्पर्धामा नेपाल विजयी भएको छ । नेपालले चीनलाई ५–१ गोल अन्तरले पराजित गरेको छ । 

दुबै मुलुकका २३ वर्षभन्दा मुनिका खेलाडीहरुबीच दशरथ रंगशालामा भएको खेलमा नेपालले प्रतिस्पर्धाको पहिलो २ मीनेटमा नै चीनविरुद्ध गोल गरेको थियो । प्रतिस्पर्धामा नेपाली खेलाडीहरुले उत्कृष्ट प्रदर्शन गरेका छन् ।

फुटबलअघि रंगशालामा विविध सांस्कृतिक कार्यक्रमको आयोजना गरिएको थियो । राष्ट्रिय सभाका अध्यक्ष गणेशप्रसाद तिमिल्सिनाको प्रमुख आतिथ्यमा भएको कार्यक्रममा नेपाली चिनियाँ कलाकार तथा खेलाडीले आफ्नो कला प्रस्तुत गरेका थिए।

भव्य सांस्कृतिक समारोहमा खेलाडीहरुले उसु र कराँते खेलको कौशल प्रस्तुत गरेका हुन् । नेपाली सांगीतिक ब्याण्ड कुटुम्बको लाइभ प्रस्तुती रहेको सांस्कृतिक कार्यक्रम र फुटबल प्रतिस्पर्धामा रंगलशालामा नेपाली र चिनियाँहरुको बाक्लो उपस्थिति थियो  ।

कार्यक्रममा कलाकारहरुले डगन, लायन र किरिन नृत्य प्रस्तुत गरेका थिए । चिनियाँ पात्रो अनुसार आजदेखि शुरु भएको नयाँ वर्ष डगन वर्ष हो । आजैदेखि चिनियाँहरुको दशैं अर्थात वसन्त चाड पनि शुभारम्भ भएको छ । नेपालमा तामाङ जातिले पनि आज ल्होसार पर्व धुमधामका साथ मनाइरहेका छन् ।