नेम्वाङको अन्त्येष्टि राजकीय सम्मानका साथ गरिने सरकारको निर्णय
सरकारले संविधानसभाका अध्यक्ष एवम् नेकपा एमालेका उपाध्यक्ष सुवास नेम्वाङको राजकीय सम्मानका साथ अन्त्येष्टि गर्ने निर्णय गरेको छ ।
आज बिहान बसेको मन्त्रिपरिषद्को आकस्मिक बैठकले उक्त निर्णय गरेको हो । नेम्वाङको अन्त्येष्टिको दिन सार्वजनिक बिदा दिइने छ ।
आज राति बालुवाटारस्थित निवासको बाथरुममा लड्नुभएका नेम्वाङको त्रिभुवन विश्वविद्यालय शिक्षण अस्पतालमा राति पौने २ बजे निधन भएको हो । श्रद्धाञ्जलीका लागि उहाँको पार्थिव शरीर भोलिसम्म पार्टी कार्यालय च्यासलमा राखिने जनाइएको छ । विदेशमा रहेका छोराहरू आइसकेपछि अन्त्येष्टि गर्ने तयारी गरिएको छ ।
उहाँ इलाम–२ बाट निर्वाचित प्रतिनिधिसभा सदस्य हुनुहुन्छ ।
टिप्पणीहरू