एमसीसीमा जागिर खुल्यो, युएसएड नेपालले पनि कर्मचारी माग्यो

अमेरिकी सहयोग परियोजना मिलेनियम च्यालेञ्ज एकाउण्ट नेपाल (एमसीए नेपाल) ले कर्मचारी भर्नाको लागि विज्ञापन गरेको छ । एमसीए नेपालले आज तीन वटा पद रिक्त रहेकाले इच्छुक नेपालीलाई निवेदनको निम्ति आग्रह गरेको छ । 

एमसीसीले काठमाडौं कार्यालयको लागि मनिटरिङ एण्ड इभालुएसन विज्ञको पुनः विज्ञापन गरेको हो । त्यसैगरी काठमाडौंका लागि पावर सेक्टर रिफर्म विज्ञको पनि पुनः विज्ञापन गरेको बताइएको छ । यी दुवै पदमा कम्तीमा पाँच वर्षको अनुभव र स्नातकोत्तर योग्यता तोकिएको छ ।

त्यसैगरी काठमाडौं कार्यालयको निम्ति चालक पनि मागिएको छ । अंग्रेजी लेखपढ गर्न जान्ने र फोरह्विल सवारी साधन हाँक्नसक्ने चालकको योग्यता छ । त्यस्तै अमेरिकी सहयोग नियोग युएसएड नेपालले पनि रोजगारीको सूचना प्रकाशित गरेको छ । जसमा वातावरण विज्ञ र जनशक्ति व्यवस्थापन विज्ञ आवश्यक परेको उल्लेख छ ।