बाजुरा सदरमुकाममा बाक्लो संख्यामा सुरक्षाकर्मी तैनाथ
अनेरास्ववियू बाजुराले सदरमुकाम मार्तडी बजार बन्द गरेको छ ।
अनेरास्ववियूले बजारमा टायर बालेर नारा जुलुस गरेपछि सदरमुकाम मार्तडी तनावग्रस्त बनेको छ । अनेरास्ववियूका केन्द्रीय सदस्य चेतन अएडीको हत्याको विषयलाई लिएर अनेरास्ववियूले आन्दोलन गरेको हो ।
हिजो त्रिवेणी ७ को नाटेश्वरी आधारभूत विद्यालयमा भएको मतदानको विवादलाई लिएर नेपाली काँग्रेसका कार्यकर्ताले चेतनको घरमै गएर कुटपिट गरेर हत्या गरेको अनेरास्ववियूको आरोप छ ।
बाजुरा प्रमुख जिल्ला अधिकारीका अनुसार आन्दोलनले उग्र रुप लिएपछि बाजुरा सदरमुकाममा नेपाली सेना, नेपाल प्रहरी र सशस्त्र प्रहरी परिचालन गरिएको छ ।
टिप्पणीहरू