बिहे हुन लागेकी प्रेमिका भेट्न महिलाको भेष धारण

भारतमा एक जना युवाले आफ्नी प्रेमिकालाई उनको विवाह स्थलमा गएर भेट्न महिलाको भेष धारण गरेका छन् । उनी विवाहित महिलालेझैँ सारी, चुरा,पोतेमा सजिएर घुम्टोले मुख छोपी प्रेमिकाको विवाह स्थलमा पुगेका हुन् ।

तर उनको उक्त चाल प्रेमिकाको परिवारको अगाडि धेरैबेर टिक्न सकेन । उनलाई प्रेमिकाका परिवारले चिने र सबैको अगाडि असली रुप देखाइदिए । उनले बारम्बार आफू महिला नै भएको अड्डी कसेका थिए ।

विवाहित महिला भएकाले मुख देखाउन नमानेपछि बेहुलीको परिवारले पुलिसलाई खबर गर्ने चेतावनीसहित उनको मोबाइल फोन खोसिदिएका थिए । त्यसपछि उनले पुलिसलाई खबर नगरिदिन अनुरोध गर्दै बल्लतल्ल आफ्नो वास्तविकता खोलेका हुन् ।

सबैभन्दा रमाइलो त त्यतिबेला भयो जतिबेला पुलिसको जिम्मा लगाउन भन्दै उनलाई विवाह स्थलबाट बाहिर निकालियो त्यहि बेला एउटा साथीको मोटरसाइकलमा बसेर सुईंकुच्चा ठोके ।

https://www.facebook.com/News18India/posts/10158616367757773