उपप्रधानमन्त्रीकी दिदीसहित डेढ दर्जनविरुद्ध मुद्दा, ६० करोड बढी मागदाबी

काठमाडौंको नक्सालस्थित बालमन्दिरको जग्गा हिनामिना प्रकरणमा तत्कालीन अध्यक्ष रिता सिंहसहित १७ जनाविरुद्ध मुद्दा दर्ता भएको छ । जिल्ला सरकारी वकिल कार्यालय, काठमाडौंले आज काठमाडौं जिल्ला अदालतमा उनीहरुविरुद्ध मुद्दा दर्ता गरेको छ । 

प्रतिवादीहरुसँग ६० करोड ३९ लाख ७७ हजार २३१ रुपैयाँ मागदाबी गरिएको प्रशासनतर्फका अधिकृत हेमन्त भट्टराईले बताए । ‘६० करोड ३९ लाख ७७ हजार २३१ रुपैयाँ मागदाबी गर्दै १७ जनाविरुद्ध आज मुद्दा दर्ता भएको छ’,उनले भने । 

महान्यायाधिक्ताको कार्यालयले हिजोे उपप्रधान तथा शहरी विकासमन्त्री प्रकाशमान सिंहकी दिदी रितासहित १७ जनाविरुद्ध मुद्दा चलाउने निर्णय गरेको थियो ।