भ्रष्ट डिजीसँगै पूर्वमन्त्रीको सात पुस्ते तयार

पोखरा अन्तर्राष्ट्रिय विमानस्थल निर्माणमा अर्बौं भ्रष्टाचारको आरोप झेल्दै अख्तियार धाइरहेका नागरिक उड्डयन प्राधिकरणका महानिर्देशक प्रदीप अधिकारीसँगै पूर्व पर्यटनमन्त्रीहरु पनि क्रमशः तानिँदैछन् । पहिले परियोजना प्रमुख र अहिले महानिर्देशक रहेका अधिकारीको संलग्नता त्रिभुवन अन्तर्राष्ट्रिय विमानस्थलदेखि अरु सबैजसो विमानस्थलको निर्माण, स्तरोन्नति तथा जग्गा खरिदमा हुनसक्ने संकेतसहित संसदीय उपसमितिले हालै तयार पारेको प्रतिवेदन बुझाइसकिएको छ । अधिकारीको बदमासी प्राधिकरणको सिनामंगलस्थित नयाँ भवन निर्माणमा समेत जोडिएको उजुरी परेपछि अख्तियारले पोहोरदेखि थालेको अनुसन्धान नेताहरुले भागशान्ति गरिसकेका कारण हल न चलको अवस्थामा छ ।

यसवीच प्राधिकरणका कर्मचारीहरुले संघीय संसदको सार्वजनिक लेखा समितिका सभापतिलाई सम्बोधन गर्दै वैशाख ४ गते पेश गरेको निवेदनमा अधिकारीको ग्राण्ड डिजाइनमा तत्कालीन मन्त्री प्रेमबहादुर आलेको प्रत्यक्ष संलग्नतासहित धनगढी विमानस्थलमा गडबडी गरिएको ब्यहोरा उल्लेख छ । उनीहरुले त्यसप्रकरणको विस्तृत छानबिन र अनुसन्धान हुनुपर्ने माग गरेका छन् ।

आलेले तत्कालीन मेगा बैंकका कर्मचारी अमित श्रेष्ठ,बिटुमिन ठेकेदार तथा बिचौलिया पवन गुप्ता र आफ्ना स्वकीय सचिव हेमन्त रेग्मी,निजको फुपुको छोरा घोडाघोडी नगरपालिकाका इन्जिनियर अशोक जोशीसमेतको मिलेमतोमा विमानस्थल आसपास जग्गा खरिद गरेको ।’ बिचौलिया अमित श्रेष्ठ मेगा बैंक मर्ज भएपछि नबिल बैंक पुगेका र पछिल्लो समय साउनदेखि ऊर्जामन्त्री दीपक खड्काको सल्लाहकारको रुपमा मन्त्रालयमा काज खटिएका छन् ।

कर्मचारीहरुले डोटीबाट निर्वाचित सांसद प्रेमबहादुर आले र अधिकारीले धनगढी विमानस्थल विस्तारका नाममा करोडौं चलखेल गरेको उल्लेख गर्दै लेखेका छन्, ‘निजले व्यक्तिगत कम्पनी (अशोक जोशी र हेम पन्तको नाममा) खडा गर्दै जग्गा खरिद गरेका छन् । आलेले तत्कालीन मेगा बैंकका कर्मचारी अमित श्रेष्ठ,बिटुमिन ठेकेदार तथा बिचौलिया पवन गुप्ता र आफ्ना स्वकीय सचिव हेमन्त रेग्मी,निजको फुपुको छोरा घोडाघोडी नगरपालिकाका इन्जिनियर अशोक जोशीसमेतको मिलेमतोमा विमानस्थल आसपास जग्गा खरिद गरेको ।’ बिचौलिया अमित श्रेष्ठ मेगा बैंक मर्ज भएपछि नबिल बैंक पुगेका र पछिल्लो समय साउनदेखि ऊर्जामन्त्री दीपक खड्काको सल्लाहकारको रुपमा मन्त्रालयमा काज खटिएका छन् ।

विमानस्थल क्षेत्र विस्तारको घोषणाअघि उनीहरुले सो क्षेत्रमा जग्गा किनेको चर्चा चलेको थियोे । अशोक जोशी र हेम पन्तको नाममा कम्पनी खडा गरेर मन्त्री भएकै मौकामा मन्त्रालय मातहत प्राधिकरणको मेगा बैंकमा रहेको मुद्दती खातामा एक अर्ब रुपैयाँ जम्मा गर्न लगाइएको उनीहरुको दावी छ । उक्त समयमा आलेको समूहले विमानस्थल वरपर प्रति कठ्ठा साढे १२ लाखका दरले जग्गा किनेको तर पछि ५० लाख प्रति कठ्ठाका दरले बेच्ने योजना बनाएको अवस्थामा पदमुक्त भएका थिए ।

त्यसअघि २०७८ पुस ११ गते मन्त्री आलेको अध्यक्षतामा बसेको प्राधिकरण सञ्चालक समितिको बैठकले धनगढी विमानस्थल विस्तारमा एक अर्ब बजेट विनियोजनको निर्णय गरेको थियो । सोही समय धनगढी विमानस्थललाई क्षेत्रीय विमानस्थलको रुपमा विकास गर्न २५८ बिघा जमिन अधिग्रहण गरेर १८ सय मीटरको धावनमार्गलाई २ हजार ५ सय मीटरको बनाउने निर्णयसमेत भएको देखिन्छ । विमानस्थललाई क्षेत्रीय विमानस्थलको रुपमा विकास गर्न जमिन अधिग्रहणका लागि स्रोत सुनिश्चित नै नगरी उक्त समयमा बजेट विनियोजन गरेर प्रशासनिक खर्चको नाममा झण्डै ३० करोड रकम स्वाहा पारिएको स्रोतको दावी छ ।

संसदीय समितिमा दर्ता गरिएको उजुरीमा लेखिएको छ, ‘तत्कालीन पर्यटनमन्त्री आले अध्यक्ष रहेको प्राधिकरण सञ्चालक समितिको २०७७ पुस ११ गतेको बैठकबाट प्राधिकरण र प्राविधिक कर्मचारी लगायत सन्चालक समितिलाई दबाब दिएर आफू निकट प्राविधिकबाट स्थलगत निरीक्षण तथा चेक जाँचसमेत गराई उक्त विमानस्थलको गुरुयोजनासमेत स्वीकृत गराएको ।’