बबरमहलमा फुटेको पाइप मर्मत गरिँदै
नेपाल विद्युत् प्राधिकरणले बिजुलीको तार भूमिगत गर्नका लागि ‘होरीजोन्टल ड्रिलिङ’ गर्ने क्रममा बबरमहलमा रहेको खानेपानीको थोक वितरण प्रणालीको फुटेको पाइप मर्मत शुरु भएको छ ।
गएरातिदेखि मर्मत कार्य थालिएको काठमाडौँ उपत्यका खानेपानी लिमिटेड (केयूकेएल) ले जनाएको छ । उक्त पाइप फुट्दा हिजो दिउँसो बबरमहल क्षेत्र जलमग्न भएको थियो ।
करिब ४ घण्टासम्म पानी बग्दा बबरमहल क्षेत्र नै डुबानमा परेको र विशेष अदालतसहितका सरकारी कार्यालयमा पानी पसेर क्षति पुगेको थियो ।
टिप्पणीहरू