बडी बिल्डिङ्गका पदक विजेतालाई बालुवाटारमा सम्मान
प्रधानमन्त्री केपी शर्मा ओलीले पन्ध्रौं विश्व बडी बिल्डिङ्ग एण्ड फिजिकल स्पोर्टस् च्याम्पियनसिप, २०२४ मा पदकप्राप्त नेपाली खेलाडीलाई सम्मान गर्नुभएको छ ।
बालुवाटारस्थित प्रधानमन्त्री निवासमा बोलाएर उहाँले आज खेलाडीहरुलाई बधाईं तथा सम्मान व्यक्त गर्नुभएको हो ।
५ देखि ११ नोभेम्बरसम्म माल्दिभ्समा भएको प्रतियोगितामा सहभागी नेपाली टोलीले दोस्रो स्थान हासिल गरेको छ । विभिन्न तौल समूह र विधामा खेलाडी रुपेश शाही, प्रज्वल शाक्य, रजनी शाक्य र सोनाम मूलगुठी दोस्रो भएका हुन् ।
खेलाडीहरुलाई बधाईं दिँदै प्रधानमन्त्री ओलीले सो खेललाई राज्यको तर्फबाट आवश्यक सहयोग हुने प्रतिबद्धता जनाउनुभएको छ । नेपाल शारीरिक संगठन तथा फिटनेस महासंघका अध्यक्ष राजेशबाबु श्रेष्ठले उक्त खेलले पर्यटन प्रवर्द्धनमा समेत योगदान पुर्याउने बताउनुभयो ।
सरकारले यस खेललाई प्राथमिकतामा राख्नुपर्ने उहाँको भनाइ छ ।
ट्रेन्डिङ पोस्ट
टिप्पणीहरू