बालीमा हनिमुन मनाएका काँग्रेस सभापतिका छोरा–बुहारी आमासँगै मध्यरातमा जापान

नेपाली काँग्रेसका सभापति तथा पूर्वप्रधानमन्त्री शेरबहादुर देउवाका नवविवाहित छोरा–बुहारी गएराति जापान उडेका छन् । छोरा जयवीर देउवा र बुहारी सिवाना श्रेष्ठ राति साढे १ बजे क्याथे प्यासिफिकको उडान नम्बर सीएक्स ६४० मा हङकङ हुँदै त्यता गएको बताइएको छ ।

उनीहरुसँगै आमा तथा नेपाली काँग्रेस नेत्री एवम् प्रतिनिधि सभा सभासद आरजु राणा देउवा पनि जापान गएकी छन् ।

यसअघि छोरा–बुहारी हनिमुन मनाएर वैशाख पहिलो साता काठमाडौं फर्केका थिए । इण्डोनेसियाको बालीमा हनिमुन मनाएर फर्किएका नवविवाहित दम्पतीलाई त्रिभुवन अन्तर्राष्ट्रिय विमानस्थलको विशिष्ट कक्ष प्रयोग गर्न दिइएकोमा चर्को आलोचना भएको थियो ।