नेपाल घुम्न आएका लालु यादवका छोरा बुहारी दिल्ली उडे

पारिवारिक भ्रमणका लागि काठमाडौँ आएका भारतीय राष्ट्रिय जनता दलका नेता तथा बिहारका उपमुख्यमन्त्री तेजस्वीप्रसाद यादव स्वदेश फर्किएका छन् । 

श्रीमती र बालबच्चासहित असोज ९ गते काठमाडौं आएका उनी आज साँझ नयाँदिल्ली प्रस्थान गरेका हुन् । यादव परिवारसहित १२ जनाको टोली भिस्तारा एअरको युके १५६ उडानमा साँझ साढे ५ बजे दिल्ली उडेको बताइएको छ । 

यादव परिवारको टोलीले यहाँ रहँदा पशुपतिनाथको दर्शन गर्नुका साथै काठमाडौँ र पोखराका विभिन्न स्थानको भ्रमण गरेको थियो ।  

लालुप्रसाद यादव भारतीय राष्ट्रिय जनता दलका अध्यक्ष हुन् । लामो समय बिहारको मुख्यमन्त्री रहेका उनी केही समय केन्द्रीय रेलमन्त्री समेत भएका थिए । तेजस्वीप्रसाद लालुका छोरा हुन् ।