अस्ति भैरहवा जानुभएका सभामुख र माधव नेपालको आगमन
प्रतिनिधि सभाका सभामुख देवराज घिमिरे हिजो राजधानी फर्कनुभएको छ । उहाँ अस्ति साँझ भैरहवा जानुभएको थियो ।
सभामुख घिमिरे हिजो राति ९ बजे बुद्ध एअरको उडानमा काठमाडौं आउनुभएको हो । सभामुखसँगै सोही उडानमा पूर्वमन्त्री तथा नेकपा एकीकृत समाजवादीका नेता सोमप्रसाद पाण्डे पनि भैरहवाबाट काठमाडौं आउनुभएको हो ।
यसैगरी पूर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपाल हिजै काठमाडौं आउनुभएको छ । उहाँ पनि अस्ति साँझ भैरहवा हुँदै दाङ जानुभएको थियो । अध्यक्ष नेपाल जाँदा र फर्कंदा पूर्वमन्त्री तथा सांसद मेटमणि चौधरी पनि सँगै हुनुहुन्थ्यो । उहाँहरु हिजो साँझ ६ बजे बुद्ध एअरको उडानमा काठमाडौं आइपुग्नुभएको हो ।
टिप्पणीहरू