अमेरिकी राजदूत ११ जनाको टोलीसहित जोमसोममा, भारतीय कार्यवाहक राजदूत पोखरामा « Jana Aastha News Online
Logo
१० असार २०७९, शुक्रबार
|  Fri Jun 24 2022
Logo
१० असार २०७९, शुक्रबार
|  Fri Jun 24 2022

अमेरिकी राजदूत ११ जनाको टोलीसहित जोमसोममा, भारतीय कार्यवाहक राजदूत पोखरामा

प्रकाशित मिति :  ११ जेष्ठ २०७९, बुधबार २१:२०


अमेरिकी राजदूत रेण्डी बेरी ११ जनाको टोली लिएर मुस्ताङको जोमसोम पुग्नुभएको छ । उहाँ तारा एअरको उडानमा सोमबार बिहान पोखराबाट त्यहाँ जानुभएको हो । हिजो भारतीय दूतावासका कार्यवाहक राजदूत नामग्या सी खम्पा यति एअरलाइन्सको उडानमा बिहान ११ बजे पोखरा जानुभएको हो ।

सोमबार बिहान अल्टिच्युड एअरको हेलिकप्टरमा पर्यटन तथा संस्कृतिमन्त्री प्रेमबहादुर आले मगर पाँच जनाको टोली लिएर लुक्ला जानुभएको थियो । उता जापानबाट पूर्वाधार मन्त्रालयका तीन सदस्यीय प्रतिनिधिमण्डल सोमबार काठमाडौं आएको छ । हिरोयुकी फुकुओकाको नेतृत्वमा आएको प्रतिनिधिमण्डल सोमबार दिउँसो नेपाल वायुसेवाको उडानमा नारिताबाट आएको हो ।

त्यहि दिन साँझ कतार एअरवेजको उडानमा दोहाबाट नेपाली सेनाका बलाध्यक्ष रथी सरोज प्रताप राणा स्वदेश फर्किएको विमानस्थल स्रोतले बताएको छ । उक्त उडानमा श्रम, रोजगार तथा सामाजिक सुरक्षा मन्त्रालयका सचिव एक नारायण अर्यालसहितको चार सदस्यीय टोली पनि स्वदेश फर्केको हो ।

दुबईबाट फ्लाई दुबईको उडानमा नेपालका लागि संयुक्त अरब इमिरेट्सका राजदूतका छोरा डा. सलिम अल सलिम पनि काठमाडौंमा उत्रिएका हुन् । हिजो नेपाली सेनाको हेलिकप्टर एमआई १७ एनए ०५६ को उडानमा काठमाडौंबाट उपरथी प्रदिपजंग केसीसहित १० जना यात्रु, चार जना चालक दलका सदस्य र झण्डै १५ सय केजी कार्गो बिहान सबेरै सोलुखुम्बु लगिएको छ । पछि उक्त हेलिकप्टर पौने १० बजे राजधानी फर्केको थियो ।


प्रतिक्रिया दिनुहोस !