तस्विरमा मध्यपूर्वः रमजानको तयारीमा व्यस्त ! (फोटो फिचर)

आउँदो शनिबारको सूर्यास्तसँगै प्रारम्भ भएर एक महिनासम्म चल्ने मुसलमानहरुको पवित्र महिना रमजानको तयारी मुस्लिम बाहुल्य देशहरुमा व्यस्तताका साथ चलिरहेको छ ।

मुस्लिम समुदायमा विशेष रुपमा मनाइने यो पर्व खासगरी मध्यपूर्वी राष्ट्रहरु प्यालेस्टाइन, सिरिया, इराक, लेबनान, इजिप्टलगायतका देशमा हप्तौँ अगाडिदेखि नै तयारी गरिन्छ । ती देशमा हिन्दुहरुको तिहारमा झैँ घर, टोल सजाएर चिटिक्क पारिन्छ । रमजानको एक महिना विशेष खालको भोजन, मिठाइ इत्यादीको खपत पनि अत्यधिक हुने गरेको छ ।

यसका साथै दिनभर पानिसमेत नपिई निराहार ब्रत (फास्टिङ) बस्नु यो पर्वको अर्को विशेषता हो । रमजानको समाप्तिसँगै मनाइने ईदले उक्त पर्वलाई थप रौनकता दिने गर्दछ । गरिबलाई खाना, लत्ताकपडा दान गरेर पुण्य कमाउनु इदको अर्को विशेषता हो ।

हेरौं, सिन्ह्वाका विभिन्न देशमा रहेका प्रतिनिधिले आफ्नो क्यामरामा कैद गरेका मध्यपूर्वमा रमजान पर्वको तयारीका केही तस्बिरः