ईश्वर पोखरेलले ठाउँ नदिएपछि भृकुटीमण्डप पुगे रावल
नेकपा एमालेका उपाध्यक्ष भीम रावलले पार्टी केन्द्रीय कार्यालयबाट उम्मेदवारी घोषणा गर्ने आफ्नो चहाना पूरा नभएको भन्दै गुनासो गरेका छन् । एमालेको आसन्न दशौँ महाधिवेशनका लागि आज भृकुटीमण्डपबाट अध्यक्षमा उम्मेदवार घोषणा गर्दै उनले यस्तो बताएका हुन् ।
पार्टी कार्यालयबाट उम्मेदवारी घोषणा गर्न चाहे पनि ठाउँ नदिएकाले त्यो सम्भव नभएको रावलले बताए । उनले भने, ‘मैले थापाथलीस्थित एमालेको केन्द्रीय कार्यालयबाटै उम्मेदवारी घोषणा गर्न चाहेको थिएँ । तर महासचिवबाट कार्यालयमा भएका सबै कक्ष खाली नरहेको भनियो ।’
रावलले आज दिउँसो पत्रकार सम्मेलन गरेर अध्यक्ष पदमा उम्मेदवारी घोषणा गरेका हुन् ।
टिप्पणीहरू