जीतपुरका प्रमुख प्रशासकीय अधिकृत पनि भ्रष्टाचारमा डामिए

अख्तियार दुरुपयोग अनुसन्धान आयोगले बाराको जीतपुरसिमरा उपमहानगरपालिकाका तत्कालीन प्रमुख प्रशासकीय अधिकृत शिवराज सेढाईविरुद्ध भ्रष्टाचार मुद्दा दायर गरेको छ ।

उपमहानगरको १६ नम्बर वडामा रहेको पसाहा खोलाको खोलाजन्य सामाग्री उत्खनन् गर्ने क्रममा ठूलो रकम हिनामिना गरेको पुष्टी भएको जनाउँदै अख्तियारले आज विशेष अदालत काठमाडौंमा मुद्दा दायर गरेको हो ।

प्रमुख प्रशासकीय अधिकृत सेढाईसहित कलैया–६ को ओम सप्लायर्सका प्रोपाइटर ओमशंकर प्रसाद पनि यो मुद्दामा तानिएका छन् । सप्लायर्स कम्पनीउपर राजश्व चुहावट गरी भ्रष्टाचार गरेको आरोपमा पनि अख्तियारले मुद्दा दायर गरेको हो ।

दायर गरिएको मुद्दामा सेढाईसँग ९९ लाख ९९ हजार ९९९ रुपैयाँ र ओम सप्लायर्ससँग १ करोड ३८ लाख ९९ हजार ९९८ रुपैयाँ बिगो दाबी गरिएको छ ।