दुई आयोगका सचिव साटफेर

सरकारले दुई जना सचिवको जिम्मेवारी हेरफेर गरेको छ ।

हिजो साँझ बसेको क्याविनेट बैठकले निर्वाचन आयोग र प्राकृतिक स्रोत तथा वित्त आयोगका सचिवको कार्यक्षेत्र फेरबदल गर्ने निर्णय गरेको हो । 

जसअनुसार निर्वाचन आयोगका सचिव भरतमणि सुवेदीलाई वित्त आयोगमा लगिएको छ भने त्यहाँ कार्यरत महादेव पन्थलाई निर्वाचन आयोगमा सरुवा गरिएको छ । 

सरकारले केही महिनाअघि मात्रै यी दुईलाई निर्वाचन र वित्त आयोगमा पठाएको थियो । तर, ६ महिना नपुग्दै उनीहरु साटफेर भएका हुन् ।