केपी ओलीद्वारा छेउमै राखेर गोकुल बाँस्कोटाको चर्को आलोचना

नेकपा एमालेका अध्यक्ष केपी शर्मा ओलीले विगतमा आफ्नै क्याबिनेटमा मन्त्री रहेका पोलिटब्युरो सदस्य गोकुल बास्कोटाको नाम उच्चारण नगरी असन्तुष्टि पोख्नुभएको छ । काभ्रेपलाञ्चोकको धुलिखेलमा हिजो एकघण्टा भाषण गर्दै उहाँले पार्टीभित्र बढ्दै गएको गलत प्रवृत्तिप्रति झण्डै २५ मीनेट खर्चनुभएको बताइन्छ । 

बुटवल महाधिवेशनमा देखिएको नेताहरुको अस्वस्थ प्रतिस्पर्धापछि कार्यकर्ताहरुले रातो आँखा पारेको जनाउँदै अध्यक्ष ओलीले घुमाउरो तरिकाले बाँस्कोटालाई कार्यकर्ता नतर्साउन चेतावनी दिनुभएको हो । कार्यकर्तालाई दास सम्झने,गाली गर्ने,हेप्ने,तर्साउने, रपार्टी छाडेर जा भन्ने,प्रतिनिधि ल्याउँदा पनि एक्लौटी गर्ने,नेतृत्वमा हस्तक्षेप गर्ने भन्दै उहाँले तीतो पोख्नुभएको थियो । 

सिन्धुपाल्चोक इन्चार्ज बाँस्कोटा हालका सचिव राजन भुर्तेललाई अध्यक्षमा अघि सार्दै बागमती प्रदेशमा उपसचिवमा पराजित रिता ढकाललाई पदाधिकारीमा सर्वसम्मत बनाउने प्रयत्नमा देखिन्छन् । भाषणपछि धुलिखेल रिसोर्टमा परिवारसहित खाजा खाएर फर्कनुभएका अध्यक्षलाई भेट्न बाँस्कोटा नगएको सन्दर्भलाई पनि धेरैले अचम्मसङ्ग लिएका छन् ।

कार्यकर्तालाई दास सम्झने,गाली गर्ने,हेप्ने,तर्साउने, रपार्टी छाडेर जा भन्ने,प्रतिनिधि ल्याउँदा पनि एक्लौटी गर्ने,नेतृत्वमा हस्तक्षेप गर्ने भन्दै उहाँले तीतो पोख्नुभएको थियो ।

अध्यक्ष ओलीले सम्बोधनमा,‘जसरी भैँसीमा भएको किर्ना अघाएपछि झर्छ,त्यसरी नै एमालेमा रहेर अघाएकाहरु किर्ना झैं बाहिरिएका छन्’भन्नुभएको थियो । एमाले काभ्रेको ११ औं जिल्ला अधिवेशनको धुलिखेलमा उद्घाटन गर्दै अध्यक्ष ओलीले मिसन ८४ लाई सशक्त बनाउन पार्टीका सबै पंक्तिलाई एकजुट हुन निर्देशन दिनुभएको छ । 

‘अरुले आफ्ना लागि,अस्थिरताका लागि भने होलान् मिसन ८४ । एमालेले देश विकास र निर्माणका लागि तीन तहकै सरकारमा एकल बहुमत ल्याउन भनेको हो,’अगाडि भन्नुभयो ‘अधिवेशनमा स्वस्थ प्रतिस्पर्धा गर्नु,प्रतिस्पर्धालाई सहमतिबाट टुङ्ग्याउनु र सहमति हुन नसके प्रतिस्पर्धामा जानु, निर्वाचन सकिएपछि फेरि एकमन र एकताका साथ पार्टी कामलाई अघि बढाउनू ।’

बन्द सत्रमा जिल्ला अध्यक्ष अशोक ब्याञ्जुले पार्टीको राजनीतिक, संगठनात्मक तथा आर्थिक प्रतिवेदन प्रस्तुत गरेका छन् । अध्यक्ष मण्डलका अध्यक्ष एवम् पोलिटब्युरो सदस्य तथा जिल्ला इन्जार्च कृष्ण राईको अध्यक्षतामा शुरु भएको बन्द सत्रमा नेताहरुले धारणा राखेका छन् । अध्यक्ष मण्डलमा बागमती प्रदेश कमिटी अध्यक्ष कैलाश ढुङ्गेल, केन्द्रीय सदस्यद्वय नवीना लामा र कपिलदेव पोखरेल,प्रदेश कमिटी उपाध्यक्ष धावा दोर्जे लामा छन् । 

डिजिटल मेसिन १० वटाबाट मतदानको तयारी गरिएको जानकारी दिइएको छ । छ सय ९२ प्रतिनिधिले मतदानमा भाग लिँदैछन् । २०८० चैत्र मसान्तसम्म १३ हजार तीन सय नौ जनाले सदस्यता नवीकरण गराएका छन् । विगतको अधिवेशनमा दुलही झैं सिङ्गारिने धुलिखेल अहिले एमालेको यति ठूलो पर्वका वावजुद शान्तप्राय: देखिएको छ ।