भाइ छुटेलगत्तै विनोद चौधरी दिल्ली उडे

बाँसबारी छालाजुत्ता कारखानाको सरकारी जग्गा हडपेको आरोपमा समातिएका कान्छा भाइ अरुण चौधरी रिहा भएलगत्तै कांग्रेस सांसद तथा विवादास्पद व्यापारी विनोद चौधरी दिल्ली गएका छन् । 

उनी छोरा राहुललाई लिएर अहिले साँझ ५ बजे इण्डिगो एयरको जहाजबाट दिल्ली उड्न उडेको बुझिएको छ । तीन दाजुभाइ सगोलमा हुँदा १० रोपनी सरकारी जग्गा चौधरीहरुको स्वामित्वमा ल्याएको यस प्रकरणमा विनोदलाई समेत प्रहरीले बयानमा बोलाउन लागेको चर्चा थियो । 

आजै जिल्ला अदालत काठमाडौँको आदेशले अरुण हिरासतमुक्त हुनु र लगत्तै विनोदले देश छोड्नुलाई संयोग मात्र मान्न सकिंदैन । भाइ छुटेपछि ढुक्क भएका उनी आफू बयानमा जान नपरोस् भनेर दिल्ली गएको पारिवारिक स्रोतबाट बुझिएको छ।