माओ जन्मेको दिन वैद्यका कार्यकर्ता रातो टोपी लगाएर काठमाण्डौमा
मोहन वैद्य 'किरण' नेतृत्वको क्रान्तिकारी कम्युनिस्ट पार्टी निकट क्रान्तिकारी युवा संगठनले काठमाडौंमा वृहत मार्चपास गर्ने भएको छ ।
आगामी पुस १० गते माओ दिवसका अवसरमा हजारौं युवा परिचालन गरेर विशाल मार्चपास गर्ने सो पार्टीले जनाएको हो । रातो टोपी, ज्याकेट,झण्डा र ब्यानरसहित मार्चपासको लागि क्रान्तिकारी युवा संगठनले तयारी तीव्र पारेको बताइएको छ ।
शहरका विभिन्न चोकबाट निकालिने युवा मार्चपासलाई खुल्लामञ्चमा भेला पारेर नगर परिक्रमा गर्ने कार्यक्रम रहेको संगठनले जनाएको छ । उक्त मार्चपासलाई अध्यक्ष वैद्य, प्रवक्ता धर्मेन्द्र बास्तोला ‘कन्चन’, युवा नेता उदयबहादुर चलाउने ‘दिपक’ लगायतले सम्बोधन गर्ने बताइएको छ ।
ट्रेन्डिङ पोस्ट
टिप्पणीहरू