मर्ज हुन चाहने क्याम्पसका लागि निवेदन आह्वान
त्रिभुवन विश्वविद्यालयले एक आपसमा गाभिई समायोजन (मर्ज) हुन चाहने सम्बन्धन प्राप्त क्याम्पसलाई आगामी असार मसान्तसम्म निवेदन दिन सूचना गरेको छ ।
आज सूचना प्रकाशित गर्दै त्रिविले सम्बन्धन प्राप्त दुई वा दुईभन्दा बढी क्याम्पसहरु मर्ज हुन चाहेमा योजना निर्देशनालयमा निवेदन दिन सक्ने जानकारी गराएको हो । मर्ज हुन चाहेमा ती क्याम्पसले आफ्नो क्याम्पस सभा वा सञ्चालक समितिबाट समायोजना हुने निर्णय गराएर निर्देशनालयमा निवेदन दिनुपर्ने त्रिविले बताएको छ ।
त्यस्तै, निवेदनको साथमा मर्ज हुन इच्छुक क्याम्पसले बेग्लाबेग्लै निवेदन, मर्ज गर्नुपर्ने औचित्य खुलेको र समाहित हुने क्याम्पस खारेज गर्ने समितिको निर्णय, सम्बन्धन पत्र, नवीकरण पत्र र अक्षयकोषको खरिद पनि पेश गर्नुपर्ने छ ।
टिप्पणीहरू