रुकुम पश्चिम जीप दुर्घटनामा पाँचको निधन, चारको हेलिकोप्टरमा उद्धार

रुकुम पश्चिमको बाँफिकोट गाउँपालिका–८ दुलीमा भएको जीप दुर्घटनामा मृत्यु भएकाको संख्या पाँच पुगेको छ । १० जना घाइते भएकामध्ये चार जनाको अवस्था चिन्ताजनक छ । 

१५ जना सवार जीपका चार जना घाइतेलाई सेनाको हेलिकोप्टरमा कोहलपुरस्थित शिक्षण अस्पताल पुर्याइएको प्रहरीले जनाएको छ । 

दुर्र्घटनामा बाँफिकोट गाउँपालिका–८ की २२ वर्षीया रेखा केसी र उनका २२ दिने शिशु रोशनको निधन भएको छ । सानीभेरी गाउँपालिका–५ का ७० वर्षीय कर्ण बाठामगर, ४८ वर्षीय देउचन खत्री र २३ वर्षीय शीतल कुसारीको पनि घटनास्थलमा ज्यान गएको हो ।