मुक्तकमलहरी होस्टललाई सहरी विकासमन्त्रीको सहयोग

सहरी विकासले मुक्त कमलहरी होस्टललाई सहयोग गर्नुभएको छ । उहाँले लमही नगरपालिका १ स्थित लावाजुनी मुक्त कमलहरी होस्टेलमा पुगेर सहयोग गर्नुभएको बताइएको छ ।

मन्त्रीले दुई वर्षदेखि उक्त होस्टलले तिर्न बाँकी दुई लाख नगदसहित ४० हजार बराबरको खाद्यान्नलगायत अन्य सामग्री प्रदान गर्नुभएको छ । साथै उहाँले छात्राबासमा बस्ने कमलहरी किशारी सबैको खाने र बस्ने जिम्मा लिने प्रतिबद्धता पनि जनाउनुभएको छ ।

कमलहरी किशोरीहरुको समस्या समाधान गर्न प्रदेश मन्त्री, मुख्य मन्त्रीदेखि संघीय मन्त्रीहरुले चासो नदेखाएपछि मन्त्री चौधरी अघि सर्नुभएको हो । सरकारले जम्मा १४ जनाका लागि मात्र सहयोग गर्दै आएको होस्टलमा अहिले ३२ जना विद्यार्थी छन् ।सरकारले १० महिनाको निम्ति मात्र खर्च दिने भएकाले खर्च धान्न गाह्रो भएकोे होस्टल वार्डेन बृजा चौधरीले बताइन् । सरकाले समयमा खर्च नदिँदा थप समस्या हुने गरेको उनको गुनासो छ । उनी भन्छिन्, ’बेलाबेलामा विद्यार्थीहरु बिरामी पर्छन् । आर्थिक अभावकै कारण एक जनाको ज्यान गयो’ उनले थपिन्, ’महंगी बढेको बढ्यै छ । केले खाने, केले पुर्याउने, केले उपचार गर्ने निकै गाह्रो अवस्था छ ।’